Reviradas cap a l'occitan
 
 
Perqué far revirar de paginas web en occitan ?

Perque una version en occitan de las vòstras paginas web serà sempre un plus au vòstre site. 
  • Primièr perque una majoritat de personas de la zòna de cultura occitana an una aprecicion positiva d'aquesta lenga.
  • Segond perque es un mejan de tocar aqueste public per çò emotiu. 


E i a en mai totas las rasons per far viure la lenga nòstra : 

D'unes dison economia ... 

  1. La cultura occitana es l'expression de las identitats localas d'Occitània. Los economistas sabon ara ben qu'una identitat locala fòrta es un motor de dinamisme.  Alara, perqué se'n privar ?
  2. La cultura occitana es una part importanta de çò que lo monde presan dins lo "midi". S'aquela cultura desapareis, e que nòstra region deu comptar sonque sus lo solelh per far venir los toristas, serà lèu distanciada per Andalosia, Sicília o Marròc. 

  3. Lo torisme o fa pas tot, mas es important per l'economia..


D'autres parlan de Democracia ...

  1. En tenent compte de la realitat de l'occitan als endrechs ont es parlat, òm se sarra de la realitat de l'endrech, perqué aqueIa lenga merca fortament l'identitat de 14 milions de francés. Per aquesta rason un cèrt nombre de causas que demoraràn mistèris escurs tant qu'aquela lenga serà pas presa en compte. 
  2. De mai,  quand una identitat es frustrada per de mond que la negligisson, aquela frustracion pòt ètre explechada per los demagògues, e se veson paréisser derivas politicas coma çò qu'es arribat en Iogoslavia. 

  3. Las identitats localas son tanben importantas per integrar los immigrats. Lo recuol de la cultura occitana en Provença es una de las causas de la pojada de la drecha extrema dins aquela region.


D'autres mai pensan ecologia.

  1. Es per la riquesa de l'umanitat que cal far viure l'occitan : una cultura es indissociable de la lenga que la pòrta. La cultura universala es la soma de totas las culturas del monde.
  2. L'occitan a sa part d'universalitat a portar, dins per biais de veire lo mond, per sa literatura, per sa musica. Seriá una pèrta de las gròssas per l'Umanitat tota que la cultura nòstra desaparesca.
Per totas aquelas bonas rasons, 
esitetz pas a nos contactar.
Avèm ja fach : 
  • Occitan Language Page 
  • Ligams occitan de l'OccitaNet 
  • Lo Savés 
  • Pagina mediterranea 
  • Princi Negre Edicions 
  • Mazurcada 
  • La Linha Imaginòt 
  • Jaces rurals a Jocavièlh (81) 
  • ProvenceWeb 
  • Eth Musèu dera Val d'Aran 
  • La Confrairia deus bohaires 
  • Duo Espinasse 
  • Nadau 
  • Mescladissa 
  • MidiNet
    ....
Coma far revirar de paginas web en occitan ?

Es pro simple : abasta de nos mandar un messatge que diga
  1. Lo tipe de document de revirar (tecnic, literari, comerciau, glossari, ...)
  2. La data desirada per obtenir la revirada.
  3. Lo nombre mots dins lo document de revirar (los tractaments de text vos o dison).
  4. Lo nom de la societat o associacion.
  5. Lo vòstre nom, o lo nom d'un correspondent.
  6. E segur las vòstras coordonadas.
Vos respondrem au mai lèu en vos proposant un biais de far.
A lèu !

© OccitaNet 1995-2000